台語野餐收費制度～

#台語野餐收費制度
台語野餐收費已經二個月了、當初剛開始要收費時、也受到很多阻力、甚至有很多因為《做伙來講台語》專頁才開始說台語的家庭因此退出已經參加一年多的台語野餐。
　
到現在、還是有很多人不理解、台語野餐在做什麼？為什麼要收費？參加台語野餐到底可以得到什麼？
　
　
希望下面的 Q&A 可以稍微回答大家的疑問
　
1、台語野餐到底塊創省？
　
台語野餐着是一个治室外乎台語囝仔鬥陣耍、乎台語家庭互相交流个全台語空間。野餐中間袂特別舉辦任何活動、那是有簡單鬥陣做省嗎是為着卜乎囝仔會使互動、為着卜乎囝仔加一个機會聽台語。參加个家庭會使提書來讀乎囝仔聽、chhoân 物件來鬥陣耍鬥陣交換增加囝仔互動。不閣大人準備个活動不是台語野餐个重點、重點是囝仔之間互動甲囝仔自發對環境、空間、甲人之間个興趣。
　
　
2、台語野餐參加資格是省？
　
台語野餐目前專門招收愿意治野餐時間完全講台語、愿意實行無打囝仔罵囝仔、而且愿意甲囝仔鬥陣認八世界甲理解囝仔理解加忌个人。不閣因為目前全台語囝仔真少、所以為着打造台語空間、阮干焦收夭袂曉講話个囝仔、夭是已經有法度全台語个囝仔。大人嗎是一定愛提醒加忌治台語野餐絕對干焦會使講台語、即會使來參加。
　
　
3、台語野餐時無特別个活動內容、是按盞愛收費？
　
台語野餐个目的是為着卜打造囝仔个台語空間、而且強調用無打囝仔、無罵囝仔个方式、乎囝仔做伙用台語耍、做伙用台語認八加忌認八世界、透過維持全台語空間乎囝仔會使自然治台語野餐時互相使用台語做主要語言。
　
只馬治台灣、囝仔根本無任何公共个台語空間、卜乎囝仔會使互相使用台語有影是一層足困難、足開時間甲氣力个代志、雖然野餐無特別安排活動、不閣《做伙來講台語》做台語囝仔个事工已經超過二年、對所有囝仔講台語會抵着个問題、朗會使提供經驗甲建議。
　
台語野餐除了強調台語以外、上重視着是囝仔个需求、卜按盞理解囝仔、甲囝仔鬥陣用囝仔个目珠理解世界嗎是阮上關心个代志。無特別安排活動、是因為囝仔是比大人閣卡賢耍个人。所以台語野餐時囝仔自發个活動、比論 peh 樹仔、比論耍雨水、比論攻佔城堡、朗不免大人特別安排、囝仔加忌自發个興趣比大人安排个活動閣卡珍貴。治耍个過程中、囝仔會抵着各種困難甲衝突、領隊會𤆬囝仔、𤆬大人鬥陣面對、鬥陣討論、鬥陣處理。用按呢个方式、乎囝仔甲大人朗閣卡理解囝仔、理解加忌。
　
只馬卜乎囝仔全台語个空間、有影比咱想个閣卡艱苦做、所以真須要各種資源、頭一項着是希望會使有專門个人來做台語野餐个事工、有專門个人即有法度做久長、專工為着台語囝仔台語野餐打拼。所以真須要建立使用者付費个制度、至少乎領隊會使專職來做台語囝仔台語野餐个代志。嗎希望透過台語野餐个活動、培養閣卡多台語野餐个領隊、會使治台灣四界打造囝仔个全台語空間。
　
　 
4、想卜囝仔講台語是按盞卜選擇 《做伙來講台語》 ？
　
因為 《做伙來講台語》 是
　
一、全世界上認真打造囝仔全台語空間个團體。
　
二、全世界頭一个做全台語野餐个團體。
　
三、目前我所知影全世界唯一一个囝仔之間有法度用台語做主要語言、塊做台語囝仔事工个團體。
　
《做伙來講台語》 做台語囝仔个事工已經卜三年、
　
治全台灣、自台東、花蓮、羅東、台北、台南、高雄主辦過超過 100 場台語野餐。
　
治台北辦過超過 60 場全台語囝仔活動。
　
已經協助二十幾戶家庭重新開始使用台語、開始甲囝仔講台語。
　
所以阮理解台語个現狀、阮理解囝仔个需求。
　
想卜甲囝仔講台語、着一定愛來尋阮、所有甲囝仔講台語个問題、朗會使治 《做伙來講台語，sńg kah 烏 mà-mà 好無？》 个台語野餐得着經驗分享甲建議。
　
　
5、參加台語野餐會使得着省？
　
一、囝仔个全台語空間
　
治只个社會、咱尋無乎囝仔講台語个公共空間、囝仔那是卜學台語、絕對須要全台語个環境。台語野餐提供只个環境、嗎提供上專業个經驗甲建議。
　
　
二、囝仔个台語囝仔伴
　
囝仔个台語卜講了好、絕對須要會凍全台語對話个對象、甲會凍長久講台語个伴。台語野餐个大人甲囝仔朗是全台語、野餐嗎是逐禮拜舉辦。囝仔治隻免驚尋無人耍、免驚尋無伴講台語。
　
　
三、甲囝仔講台語个所有 know-how
　
比論卜按盞開始甲囝仔講台語个方法、甲囝仔講台語抵着困難卜按盞面對、云云。
　
　
四、其他台語家庭个支援
　
咱甲囝仔全台語个過程一定會抵着真多困難、參加台語野餐个家庭會互相分享加忌个經驗、做伙思考咱抵着个問題、乎咱甲囝仔全台語閣卡順利。
　
　
五、台語智識交流
　
台語野餐不那是囝仔个全台語空間、嗎是咱大人甲囝仔做伙學台語个環境。咱會使甲囝仔做伙學寫台文、互相分享台湾个風俗、這朗是乎咱閣卡熟事台語甲台湾个機會。
　
　
六、理解囝仔个需求
　
比論囝仔夭不知影卜按盞表達加忌、夭無法度理解加忌个需求、大人卜按盞甲囝仔做伙面對隻个問題？
　
　
七、學習用囝仔个目珠甲觀點來認八世界
　
台語野餐卜乎囝仔一个完全自由个空間去耍、去發見加忌个興趣、去試加忌个極限、這是對發展中个囝仔上重要个代志。咱嗎會使乎囝仔治只个全台語環境內底、用台語个思考方式去熟事加忌接觸个人甲世界。
　
　
八、理解加忌
　
囝仔治台語野餐个過程、會抵着朋友之間鬥陣个問題、會抵着夭無法度理解加忌需求个狀況、咱愛甲囝仔做伙面對卜按盞處理隻个問題、這朗會使乎咱甲囝仔閣卡熟事加忌、成做一个閣卡好个人。
　 
　 
台語野餐需要閣卡多台語人、台語家庭、鬥陣來保護台語、做伙來理解囝仔 。
Tâigí iá-chhan su-iàu koh-khah chē Tâigí-lâng, Tâigí ka-têng, tàu-tīn lâi pó-hō͘ Tâigí, chò-hóe lâi lí-kái gín-á.
　
#台語人汝卜鬥陣來無？
#Tâigílâng_lí_beh_tàutīn_lâi_bô?
　
拜一 淡水台語野餐
拜三 錫口公園台語野餐
拜四 圓山仔台語野餐
拜五 羅東台語野餐
禮拜 圓山仔台語野餐

做伙來講台語卜成立台語囝仔協會！

做伙來講台語打算卜做久長个台語囝仔个事工。
有意願个人請甲我聯絡~

我个目的干焦有二个
頭一个着是希望會使有閣卡多台語囝仔甲囝仔个全台語環境
第二个着是希望甲囝仔鬥陣來學做一个人

希望會使尋着感覺只个代志是重要个人鬥陣來出錢出人。

我卜成立協會！

我須要人、須要錢。

進前二年時間、按盞無資源、按盞無時間、我從來都是用專職个時間甲態度、用我全部个性命塊做、無收任何人贊助。

不閣我已經做箱久志工、我已經無錢無資源繼續做。

台語那是有閒即做,有錢个人即會使做嗎無可能久長

那是尋着錢、人、資源、不免是我、無論是省人、朗會使三十年、五十年繼續做落去。

看着高雄好過日个方式共經費須求寫了真清楚、我嗎來寫。

我卜成立協會
我須要人、須要錢。
所有个費用開支：

人事費用：
成立協會須要專門个人處理協會个代志。
專職一个人一個月3萬。
協會夭無開始會使先用兼个夭是アルバイト來處理申請協會。

活動費用：
囝仔台語活動不是天氣好即辦、不是久久辦一擺着好
囝仔台語个活動須要固定辦、逐禮拜辦。
活動包括所有台語囝仔活動
：台語野餐、台語小學、（白話字、台語科學、台語藝術...）台語律動、台語自然農法云云。
一擺活動（細場）
經費 1800/場（包括場地、講師、領隊、云云）。
一禮拜至少愛三擺
2,1600/個月

專頁管理：
5000～/一個月

專頁文章：
請人寫台語台文相關文章。
2000/一篇。一禮拜～二禮拜一擺。
8000/個月

當然着算有協會所有台語活動嗎是愛使用者付費、不閣有協會力量着會使乎台語囝仔活動袂因為暫時無人着暫停、協會有錢有人着會使辦閣卡多活動、乎閣卡多人理解咱个想法。

有申請協會經驗、願意出錢出人个人請甲我聯絡~